I know God will not give me anything I can't handle. I just wish He didn't trust me so much.
Song—A Waukrife Minnie
by Robert Burns
WHARE are you gaun, my bonie lass,
Whare are you gaun, my hinnie?
She answered me right saucilie,
“An errand for my minnie.”
O whare live ye, my bonie lass,
O whare live ye, my hinnie?
“By yon burnside, gin ye maun ken,
In a wee house wi’ my minnie.”
But I foor up the glen at e’en.
To see my bonie lassie;
And lang before the grey morn cam,
She was na hauf sae saucie.
O weary fa’ the waukrife cock,
And the foumart lay his crawin!
He wauken’d the auld wife frae her sleep,
A wee blink or the dawin.
An angry wife I wat she raise,
And o’er the bed she brocht her;
And wi’ a meikle hazel rung
She made her a weel-pay’d dochter.
O fare thee weel, my bonie lass,
O fare thee well, my hinnie!
Thou art a gay an’ a bonnie lass,
But thou has a waukrife minnie.